RESULTADOS DA ENQUISA DE HÁBITOS DE ALIMENTACIÓN 2019

Despois de ter pasado a enquisa ao noso alumnado e co apoio  e dirección da profesora Edelmira, de TICs, o alumnado de 4º de ESO ben de elaborar uns gráficos moi ilustrativos sobre as características dos hábitos nutricionais do noso alumnado. Abrindo o enlace poderás comprobar as fortalezas e debilidades da nosa alimentación e contrastalas coas recomendacións da Organización Mundial para a Saúde para poder mellorala. bota un vistazo!

GRÁFICOS DA ENQUISA NUTRICIONAL

BENEFICIOS DA FROITAS

Neste enlace podes atopar unha presentación elaborada polo alumnado na que se recollen as características e beneficios dalgunhas das froitas que consumimos durante este curso. Como podes ver na segunda diapositiva, en función da cor xa podes intuir os beneficios que te aportará comer unha froita ou hortaliza. Preme no enlace e descubrirás moitas cousas máis que descoñecías!

BENEFICIOS DAS FROITAS

ENQUISA ACTIVIDADE DO 20 DE XUÑO

Por favor, axúdanos a mellorar!
Preme no enlace e contesta ao formulario sobre a actividade desenvolvida o día 20 na biblioteca do IES. Lembra contestar a todas as preguntas obrigatorias antes de enviar a información. Grazas.

ENQUISA O SABOR DA AVENTURA ESTA NO MAR XUÑO 2019

A FROITA. TRABALLO DE 2º DE ESO

Paso 1: facede grupos de 5 persoas. Recoméndovos que sexan as mesmas que fixeron o traballo sobre análise dos produtos que consumides no tempo de lecer!
Paso 2: escollede unha froita cada un
Paso 3: buscade información sobre a vosa froita: tempada en que se pode atopar, lugares nos que se produce, se ten distintas variedades, se require algún tipo de preparación, cal é o seu precio aproximado en tempada, etc.
Paso 4: buscade na base de datos española sobre composición de alimentos (BEDCA) os nutrientes que contén a vosa froita e tratade de ver cales son máis relevantes (pola cantidade que contén en relación coas necesidades diarias ou pola importancia que teñen para a nosa saúde). Esta base de datos está no link BEDCA. Alí premendo no botón "CONSULTA" que hai na parte superior dereita da ventana podedes seleccionar o tipo de alimentos que queredes consultar (froitas e derivados) e abrirase unha ventana que ten información detallada sobre moitísimas froitas. So hai que premer enriba do nome. A información é moi éxtensa, polo que vos recomendo que vos limitedes a consultar a seguinte: información nutricional (valor calórico, nutrientes, vitaminas  e minerales) escollendo o valor e a unidade (non é o mesmo que teña 10 gramos que que teña 10 mg ou 10 ug). O apartado "fuente" so vos di de que estudio se obtivo a información e non é preciso recollelo. A continuación póñovos un exemplo das táboas que poderedes ver. Esta correspondese coa información dunha "ameixa amarela".

Información de composición (por 100 g de porción comestible)

Componente	Valor	Unidad	Fuente
Proximales
alcohol (etanol)	0	g	61
energía, total	224 (54)	kJ (kcal)	236
grasa, total (lipidos totales)	0.2	g	179
proteina, total	0.75	g	179
agua (humedad)	82.35	g	179
Hidratos de Carbono
fibra, dietetica total	2.3	g	179
carbohidratos	12	g	61

Vitaminas
Vitamina A equivalentes de retinol de actividades de retinos y carotenoides	20	ug	310
Vitamina D	0	ug	61
Viamina E equivalentes de alfa tocoferol de actividades de vitámeros E	0.5	mg	179
folato, total	3	ug	32
equivalentes de niacina, totales	0.5	mg	179
riboflavina	0.035	mg	179
tiamina	0.055	mg	179
Vitamina B-12	0	ug	61
Vitamina B-6, Total	0.05	mg	179
Vitamina C (ácido ascórbico)	6	mg	179
Minerales
calcio	12.5	mg	179
hierro, total	0.45	mg	179
potasio	236.5	mg	179
magnesio	11.5	mg	179
sodio	0.5	mg	179
fósforo	29	mg	179
ioduro	traza	ug	31
selenio, total	0.5	ug	30
zinc (cinc)	0.4	mg	180

Paso 5: buscade imaxes, presentacións ou vídeos sobre as vosas froitas que enriquezan o voso traballo. XA O TEDES TODO!
Agora o último paso: facede unha presentación (powerpoint ou similar) ou un traballo teórico (en word ou outro procesador de texto) no que expoñades a información máis importante sobre a vosa froita, as vantaxes que nos aportaría consumila e onde e cando a podemos atopar "de tempada".
Non esquezades facer:
1.- Unha portada co título e os autores do traballo (nome, apelidos, curso e grupo).
2.- Unha introducción falando da froita en xeral.
3.- Unha análise das froitas. (cos datos dos pasos 3 e 4)
4.- Un apartado de conclusións no que recollades a vosa impresión sobre o proceso de facer o traballo e o que aprendíchedes sobre as vosas froitas. Podedes comparalas entre elas para ver que diferenzas amosan.
5.- Unha bibliografía ou webgrafía na que se recollan as páxinas das que sacáchedes a información e as imaxes do voso traballo.
LEMBRADE QUE AS IMAXES E GRÁFICOS ENRIQUECEN O VOSO TRABALLO  E QUE NON TEN QUE SER MOI EXTENSO, SENON MOI CLARO E FIDEDIGNO (É dicir, que a información sexa fiable).

PONLLE AS PILAS AO TEU BOCATA

Co soporte da Consellería do Mar, desenvolveuse no IES o programa Ponlle as Pilas ao teu Bocata, no que participou o alumando de 2º de ESO dos grupos A, B, C e D.

Preme no enlace e envía a enquisa sobre esta actividade:

enquisa ponlle as pilas ao teu bocata

Non esquezas enviala ao remate premendo no botón "ENVIAR". 

GRAZAS POLA TÚA COLABORACIÓN

Durante o obradoiro, o alumnado puido coñecer polo miudo as vantaxes nutricionais que aportan os produtos mariños, nomeadamente as conservas, e tamén as hortalizas, legumes, brotes e outros alimentos coas que enriquecer as súas merendas.  

Despois do obradoiro baixaron ao patio interior para realizar unha actividade de deseño dos seus propios bocatas, personalizados segundo o gusto de cada un e recibir un díptico con receitas baseadas nas conservas de bonito, mexilón, sardiña, xarda, etc.

 A asistencia foi masiva e o éxito garantido. Seguro que agora temos máis alternativas nas que pensar para desfrutar dunha boa e nutritiva merenda.

FROITA FRESCA. ENQUISA

Preme no enlace para contestar este sinxelo cuestionario sobre o programa de reparto de froita fresca na escola. Axudarasnos a coñecer o teu nivel de satisfacción e a mellorar no que se poida. Grazas de antemán por colaborar!

ENQUISA SOBRE O REPARTO DE FROITA

12 CONSELLOS PARA UNHA VIDA SAUDABLE

TRABALLO XERMOLÓN. PARTE 2

Para facer o traballo XERMOLÓN, xuntádevos en grupos de 3 a 5 persoas e, despois de analizar a etiqueta nutricional dos produtos que escollichedes e rexistrar os datos, comprobade o tipo de aditivos, conservantes e colorantes alimentarios que contén. Algúns deles son inocuos, pero outros teñen efectos prexudiciais para a nosa saúde. É moi sinxelo, lede o listado de ingredientes e comprobade se aparece algún aditivo.
Os aditivos alimentarios clasifícanse mediante a numeración E seguida de 3 ou 4 díxitos. Nas etiquetas aparecen do seguinte xeito:

1. A letra E aparece no primeiro lugar. 
2. A continuación aparecen os 3 ou 4 díxitos. O primeiro número indica a categoría á cal pertence o aditivo:

E-1XX: Colorantes
E-2XX: Conservantes
E-3XX: Antioxidantes
E-4XX: Estabilizantes, emulxentes/emulsionantes, espesantes/gelificantes.
E-5XX: Acidulantes, correctores da acidez, antiaglomerantes
E-6XX: Potenciadores do sabor
E-9XX: Edulcorantes, varios

O segundo díxito fai referencia á familia dos aditivos (no caso dos colorantes indica a cor e no dos antioxidantes o grupo químico ao que pertencen). O resto dos díxitos serven para identificar cada substancia. 

Despois de localizalos, revisade as súas características premendo no enlace que hai embaixo. Buscade os que están presentes nos vosos produtos e comprobade as súas características (para que se empregan, en que alimentos adoitan atoparse, que efectos teñen, etc):

ADITIVOS, CONSERVANTES E COLORANTES

Revisade na web da Axencia Española de Seguridade Alimentaria e lede o decálogo "12 decisións saudables". Serviranvos para ter en conta á hora de completar o traballo.

12 DECISIÓNS SAUDABLES

Finalmente, revisade a web da Organización Mundial da Saúde para atopar información sobre LÍMITES ao consumo de azucre, sal e graxas (de distintos tipos: totales, saturadas e hidroxenadas) e RECOMENDACIÓNS ao respecto do consumo diario de froitas e verduras e de fibra.

RECOMENDACIÓNS XERAIS DA OMS

RECOMENDACIÓNS ESPECÍFICAS PARA UNHA ALIMENTACIÓN SANA

Agora xa podedes redactar o voso traballo. Os apartados que debe de conter OBRIGATORIAMENTE son:
1.- Portada na que constarán o título, o nome e apelidos dos autores e o curso e grupo.
2.- Índice do traballo coas páxinas nas que atopar cada apartado.
3.- Introducción, na que podedes explicar conceptos (alimentación, nutrición, balance calórico, etc.), explicar a importancia de ter unha alimentación saudable e un estilo de vida san e as repercusións que pode ter tanto esto como o contrario na saúde.
4.- A selección de produtos realizada explicando por que elíxichedes os produtos que ides analizar no traballo.
5.- Os datos máis importantes do análise nutricional (os das etiquetas nutricionais e os que vos chamen a atención do listado de ingredientes). SO INDICAR OS DATOS, NON EXPLICAR NIN ANALIZAR.
6.- Analise dos datos, facendo referencia ás recomendacións da OMS para comprobar se o produto seleccionado ten carencias ou características boas ou malas (pensade que é un produto para tomar no tempo de lecer, que non debería de superar o 10-15% do aporte calórico, xa que as comidas diarias teñen que aportarnos a meirande parte dos nutrientes, polo que tampouco deben superar esas porcentaxes respecto da cantidade diaria límite de sal, azúcar, graxas ou graxas saturadas. Comprobade tamén se aportan minerais, vitaminas e fibra en relación co seu aporte calórico ou se teñen ou publicitan algunha outra "vantaxe nutricional").
7.- Aportade CONCLUSIÓNS sobre a calidade do produto en relación cunha dieta saudable. A análise dos datos é un apartado amplo, pero as conclusións deben ser concretas e concisas.
8.- PROPOSTAS: propoñede un produto alternativo que CORRIXA  as carencias que detectachedes (ben sexa exceso de sal, exceso de azucre, falta de fibra, presenza  de moitas graxas saturadas, escaseza de vitaminas e minerais...). Na páxina web da Base de Datos Española de Composición de Alimentos podedes atopar información nutricional sobre distintos grupos de alimentos para comprobar a súa composición nutricional e escoller aquel que mellor corrixa as carencias nutricionais que atopachedes na vosa análise. Lembrade que o que escollades debe ser fácil de atopar e comer no tempo de lecer:

BASE DE DATOS SOBRE COMPOSICIÓN DE ALIMENTOS

9.- Recollede as referencias bibliográficas ou webgráficas das que sacáchedes a información e as imaxes que aportades. Lembrade que GOOGLE  non é unha referencia, senón un motor de busca de información que vos leva a distintas páxinas (esas son as que tedes que recoller).

LEMBRADE QUE APORTAR IMAXES E GRÁFICOS ENRIQUECERÁ VISUALMENTE O VOSO TRABALLO.

O ALMORZO. Traballo teórico para 3º de ESO

O traballo teórico que faremos nesta avaliación está relacionado co almorzo. Mira a presentación que hai a continuación e logo le detidamente as instrucións do traballo que deberás facer en grupos de 4 a 6 estudiantes.

O almorzo

Cada integrante do grupo terá que escoller alomenos un grupo de alimentos que incluír no voso almorzo saudable. Despois, cada un poderá seleccionar un alimento concreto dentro dese grupo e analizalo en canto ao seu valor nutricional. Xuntando a información nutricional dos 6 grupos de alimentos que debe de haber nun almorzo teredes a información nutricional da vosa proposta de almorzo.
Para facilitarvos a busca de información, nesta entrada podedes atopar un enlace á páxina web da Base de Datos Española de Composición de Alimentos (BEDCA). Premendo no enlace entraredes nun site que permite coñecer a composición dun número importante de alimentos e que se fundamenta en abundantes publicacións científicas e referencias (279).
No apartado "consultas" desta web podes seleccionar distintos grupos de alimentos que deben de formar parte do voso almorzo saudable e escoller un dos alimentos que integran ese grupo. Premendo sobre o alimento verás a súa composición nutricional enteira. Por exemplo, se quero introducir  froitas, podo escoller entre máis de cincuenta propostas a que me pareza máis interesante ou me guste máis.

Base de datos de alimentos BEDCA

A información que debedes de recoller de cada alimento é:

1. Que parte do alimento é comestible. Este dato aparece en porcentaxe e indícanos canto dun alimento podemos aproveitar realmente.
2. Cantidade de auga que contén (isto indícanos que parte do alimento non vai ter ningún valor nutricional porque a auga non ten enerxía, nin vitaminas, nin minerais, etc.).
3. Composición nutricional, é dicir, qué porcentaxe de Hidratos de Carbono, de Proteínas e de Graxas ten (Isto serve para saber se é un alimento moi enerxético ou máis ben plástico).
4. Enerxía total (ven expresada en Kilojulios e Kilocalorías. Esta última referencia é a que se adoita empregar en nutrición para saber se un alimento é moi ou pouco enerxético).
5. Se ten fibra e en qué cantidade.A fibra é importante para un bo tránsito intestinal e para prever algunhas doenzas como o estrinximento.
6. Se ten ácidos graxos saturados e cantos ten en total (son graxas cuxo consumo é necesario limitar, polo que é importante saber cantas estamos consumindo).
7. Se ten vitaminas e cales. As vitaminas indícannos que este alimento aporta substancias importantes para a nosa saúde.
8. Se ten minerais e cales. Algúns minerais son indispensables para nós e axudan a previr ou, mitigar ou curar determinadas doenzas como a anemia, a osteoporose, o bocio, etc.
9. A cantidade de sodio que contén (o sodio ten que consumirse de xeito limitado porque pode afectar á nosa saúde e provocar doenzas tan graves como a hipertensión arterial).

Esta recollida de información permitiravos, unha vez que a corrixamos na clase, elaborar un traballo ben feito sobre o almorzo e facer unha proposta viable e saudable de como o faríades. Lembrade recoller toda a información da toma de datos por escrito separando cada grupo de alimentos e indicando os datos que recollíchedes. Esta toma de datos debe de estar lista para o día 22 de maio, cando teredes que entregar o voso traballo de grupo indicando na portada:

1. Curso e grupo.
2. Nome e apelidos dos integrantes do grupo.
3. Título "Almorzo Saudable".

Na primeira folla explicade brevemente por que escollíchedes os alimentos que integran a vosa proposta e en que cantidades os ides incluir. 

A continuación so queda reflexar na/s páxina/s seguintes os datos que atopachedes na vosa búsqueda. Na última folla hai que incluír a referencia ás páxinas web, libros ou revistas que consultarades (neste caso con recoller a da BEDCA é suficiente).

ENQUISA SOBRE O SABOR DA AVENTURA. LONXA E PRAZA DE PORTONOVO

Con esta enquisa queremos ter unha valoración vosa sobre a actividade "O sabor da aventura está no mar" que fixemos o pasado mes na lonxa, o peirao e a praza de abastos de Portonovo. Cubríndoa axudarasnos a valorar a actividade e a mellorala no que se poida.
Preme no enlace para cubrir a túa enquisa. Tes que contestar a cada pregunta antes de enviar. Non esquezas premer ENVIAR antes de saír do cuestionario!
ENQUISA

O SABOR DA AVENTURA ESTÁ NO MAR

Este xoves e venres, 14 e 15 de marzo, o alumnado de 1º de ESO viaxou ata Portonovo para ver na lonxa, no peirao e na praza como se recolle, subasta e vende o peixe e outros produtos mariños; que tipo de aparellos se empregan e como funciona unha praza.
O persoal da consellería organizounos unha subasta e as peixeiras ensináronnos a diferenciar entre o rape e a xuliana, entre o ollomol e os panchos ou entre as zamburiñas e as volandeiras.
Para rematar, servíronnos unha merenda elaborada con produtos mariños que degustamos antes de volver ao IES.

XERMOLÓN 2019

O Proxecto Xermolón trata de que o alumnado e a comunidade educativa adquiran unha conciencia informada e crítica ao respecto dos produtos procesados que adoitan consumir no seu tempo de lecer.

Unha das estratexias consiste en que aprendan a ler as etiquetas nutricionais dos produtos e a comparalas coas referencias que distintas organizacións e entidades -entre as que está a Organización Mundial da Saúde (OMS)- aportan para que a nosa alimentación sexa máis equilibrada e san, identificando os nutrientes valiosos e aqueles cos que deben establecer liñas vermellas.

O primeiro paso deste proxecto consiste en escoller un produto procesado que o/a estudante seleccione un produto que queira analizar entre os que adoita consumir, ben sexa por mercalo no seu tempo de lecer ou porque o atopa na casa.

Tras ler a etiqueta nutricional (etiquetaxe nutricional) e a composición (ingredientes), hai que contestar ao cuestionario seguinte e envialo para que os datos aportados por cada un de vós queden rexistrados nunha base de datos nutricional do Valle Inclán.

CUESTIONARIO XERMOLÓN 

O último paso do traballo consiste en facer unha interpretación dos datos vendo cales son positivos e cales menos adecuados e por que (para iso hai que consultar as recomendacións nutricionais da OMS).

Remataremos o noso traballo facendo unha suxestión para mellorar o produto ou cambialo por outro igual de doado de atopar e comer pero con maior ou mellor valor nutricional. Esa información podemos trasladarlla a toda a comunidade educativa (alumnado, profesorado, traballadores e pais/nais ou familiares) aportando un traballo que se colgará neste blogue.

Entre todos seguro que melloraremos a nosa saúde dun xeito significativo. Ánimo!

3ª semá da froita

A vindeira semá, do 8 ao 12 de abril, iniciaremos unha nova semá da froita na que poderedes degustar peros de inverno, plátanos, mandarinas, amorodos e arandos.
Desta vez cambiamos as mazás e os kiwis polos peros e os arandos para ampliar a nosa oferta e porque aquelas froitas foran as menos valoradas polo alumnado na última enquisa de satisfacción.

Lembrade solicitarlles aos vosos delegados/as que baixen cinco minutos antes do recreo para recoller as vosas encargas.

Bo e saudable proveito!






Imos ver que opinan os nosos veciños de Portugal e Brasil sobre estas froitas:

Os arandos são bagas que contêm muito poucos açúcares e são ricos em antioxidantes e flavonóides. Entre algumas das propriedades destacam-se as seguintes:
Adstringente e antidiarreico. Os arandos são frutos frutos silvestres ricos em componentes que ajudam a parar o crescimento de bactérias, e tratar doenças do aparelho digestivo, problemas de estômago, cólicas, diarreia, indigestão, inflamações intestinais e a gastroenterite.
Propriedades Tônicas e gastroprotetoras, que ajudam a facilitar a digestão e a eliminar o inchaço.
Propriedades Antissépticas, que impedem a formação de bactérias nas celulas epiteliais do trato urinário, prevenindo assim a infecção. Também aumenta a acidez na urina uma vez que é uma fruta ácida, evitando assim a multiplicação de agentes infecciosos e a formação de cálculos de fosfato de cálcio, que podem dar origem ao desenvolvimento de cálculos renais (urolitíase), normalmente conhecidos como pedra no rim.

A pera é rica em fibras como a pectina, que ajuda no controle do colesterol, da glicose no sangue, além de fazer o intestino funcionar regularmente. Uma peculiaridade desta fruta é que ela contém boro, um mineral que ajuda nas atividades neuronais, tornando o raciocínio claro. É indicada para pessoas estressadas e com a mente cansada. Quantidade diária ideal: uma unidade. Vitaminas: A e C.

2ª SEMANA DA FROITA

Pasado o Entroido, unha nova semana de reparto de froita chega ao Valle Inclán. Nesta ocasión deixamos os kiwis, froita de inverno, e incorporamos os amorodos, froita de primavera. Mandarinas plátanos e mazá seguen a ser o noso fondo de armario saudable.


Este é o plan semanal:

PLAN DE REPARTO DE FROITA FRESCA NO VALLE

Enquisa sobre a Semana da Froita

Axúdanos a mellorar. Resposta a enquisa sobre o reparto de froita fresca no IES premendo no enlace.

ENQUISA SOBRE O REPARTO DE FROITA NO IES

Non esquezas premer en ENVIAR ao remate

SEMANA DA FROITA

Este ano 2019 comezamos con novos folgos o noso intento de levar unha vida máis saudable. Imos comezar por promover o consumo de froita fresca na nosa comunidade educativa.
Premendo no enlace poderás ver o plan de consumo de froita que ideamos para a semana do 21 ao 25 de xaneiro.
Podes recoller a túa froita no patio interior do IES encargándolle ao delegado ou delegada do teu curso que cha recolla cinco minutos antes de comezar o recreo.
Xa sabes, alomenos 5 racións de froitas e verduras diarias!
A túa saúde mellorará e o teu ánimo tamén!
Hipervitamínate no Valle!

SEMANA DA FROITA. XANEIRO